News

Më 10 janar, u realizua një vizitë në Institucionin e Arsimit dhe Aftësimit Profesional “J. Zejnullahu” në Viti. Gjatë kësaj vizite, koordinatori për bashkëpunimin AAP/Sektori Privat, z. Blerim Haliti, zhvilloi një takim me drejtorin e shkollës, koordinatorin për MVP, prindër dhe nxënës që ndjekin praktikën profesionale në Viva Fresh.

Shumica e nxënësve tregojnë përkushtim dhe po përfitojnë përvoja të vlefshme. Megjithatë, për të siguruar që mësimi në vendin e punës të japë rezultate konkrete dhe të qëndrueshme, është e domosdoshme mbështetja e vazhdueshme dhe monitorimi i rregullt.