Team

z.Artan Xërxa është Menaxher i Lartë Projektesh me ekspertizë të gjerë në Zhvillimin e Sektorit Privat, Financa dhe Monitorim, dhe Vlerësim. Ai sjell më shumë se 24 vite përvojë profesionale të fituar në Kosovë, Luksemburg dhe shtete të ndryshme në regjionin e Afrikës sub-Sahariane dhe Azinë Qendrore.
Përveç pëvojës së tij të larmishme profesionale, z.Artan Xërxa ka jetuar dhe punuar në Belgjikë dhe Luksemburg për 15 vite. Ai flet rrjedhshëm anglisht, frëngjisht dhe luksemburgisht, me njohuri të avancuara në gjermanisht. Ai gjithashtu mban dy shtetësi, kosovare dhe luksemburgase.
I njohur për qasjen e tij proaktive dhe qëndrimin pozitiv, ai shquhet në fuqizimin e kolegëve të tij për të arritur së bashku objektivat dhe rezultatet e pritura.

Skender Boshtrakaj është drejtor me përvojë të gjerë në menaxhimin e projekteve komplekse multikulturore dhe planifikimin strategjik. Ka diplomuar në Universitetin e Prishtinës për Arte të Bukura dhe ka magjistruar në Dizajn dhe Ndriçim. Ai ka një përvojë të fortë në zhvillimin organizativ, pasi është specializuar në diplomacinë kulturore dhe bashkëpunimin evropian në Institutin Clingendael në Hagë dhe menaxhimin e burimeve njerëzore në Bundesakademie në Berlin.
Që nga viti 2000, Skënderi është përfshirë thellësisht në proceset e integrimit në BE, duke u fokusuar në tregun e brendshëm, pronën intelektuale dhe lëvizjen e lirë të mallrave kulturore. Ai ka luajtur një rol kyç në ndërtimin e institucioneve në Kosovë, duke themeluar departamente dhe zyra kyçe si Departamenti i Rinisë, Zyra për Integrime Evropiane dhe Zyra për të Drejtat e Autorit dhe të Drejtat e Përafërta, dhe në ndërtimin e sistemit për menaxhimin kolektiv të atyre të drejtave. Ai gjithashtu drejtoi Muzeun Kombëtar të Kosovës dhe kontribuoi në projekte dhe politika të ndryshme kombëtare, duke përfshirë iniciativat për punësimin dhe fuqizimin e të rinjve, programimin IPA dhe menaxhimin e trashëgimisë kulturore.
Një artist dhe kurator praktikues, Skenderi ka udhëhequr me sukses programe të shumta zhvillimore, arsimore dhe kulturore për të rinjtë. Ai është aktiv në organizatat rinore dhe kulturore, duke shërbyer në bordet e EtnoFest, Rrjetit Ballkanik të Muzeve dhe Qyteteve të Paqes. Në vitin 2016 është vlerësuar me çmimin “Haxhi Leti” për promovimin e casjes dhe barazisë për personat e verbër dhe me shikim të dëmtuar.

Blerim Haliti iu bashkua Projektit ALLED2 në vitin 2023 në pozitën e Koordinatorit për Bashkëpunim të AAP me Sektorin Privat.
Blerimi filloi karrierën e tij si mësimdhënës, pastaj në MASHT, MPMS, për të vazhduar në Projektet e financuara nga IPA dhe projekte bilaterale . Gjatë periudhës rreth 30 vjeçare të angazhimit të tij në sektorin e arsimit, ai ka kontribuar në komponentin e vlerësimit të jashtëm të standardizuar të nxënësve, strategjive kombëtare për arsim, zhvillimit të kuadrit ligjor me theks të veçantë te Ligjit për Kualifikimet Kombëtare, zhvillimit te Kornizës Kombëtare të Kualifikimeve, themelimit të Autoritetit Kombëtar të Kualifikimeve, koordinimin dhe funksionalizimin e Qendrës së Kompetencës në Ferizaj, sigurimin e cilësisë dhe zhvillimit te pakove të kualifikimit (standardet e profesionit, kurrikula bërthamë,materiale mësimore), mësim dual dhe fuqizim të bashkëpunimit me sektorin privat, monitorimin e zbatimit të kualifikimit të nivelit V për “Asistent për fëmijë/nxënës me nevoja të veçanta arsimore”, duke përfshirë koordinimin dhe mbikëqyrjen e zbatimit të NjMP(Njohja e mësimit paraprak) për kualifikimin e nivelit të V-të . Gjatë kësaj periudhe, ka bashkëpunuar me autoritetet përkatëse të ministrive të linjës, partnerë socialë, donatorë, partnerë zhvillimor, si dhe organizata ndërkombëtare si: ILO, ETF, PEM, SES (Shërbimi i Ekspertëve të Lartë), Oda e Zejtarëve – Dortmund, Otto Bock, PEARSON etj.

Agon Jusufi së fundmi i është bashkuar ALLED2 si Koordinator për Arsimin e Lartë dhe Sigurimin e Cilësisë. Në këtë rol, ai është përgjegjës për udhëheqjen dhe mbikëqyrjen e aktiviteteve që forcojnë lidhjet ndërmjet Arsimit të Lartë, Arsimit Profesional dhe nevojave të tregut të punës.
Agoni siguron që procedurat e sigurimit të cilësisë brenda Institucioneve të Arsimit dhe Aftësimit Profesional (AAP) të zhvillohen dhe zbatohen në mënyrë efektive. Ai gjithashtu mbështet proceset e monitorimit të pas-akreditimit si për Autoritetin Kombëtar të Kualifikimit (AKK) ashtu edhe për Agjencinë Kosovare të Akreditimit (AKA), duke siguruar që burimet të përdoren në mënyrë efikase dhe të përmbushen objektivat për t’u përafruar me kërkesat e tregut të punës dhe standardet arsimore. Për më tepër, Agoni luan një rol kyç në mbështetjen e krijimit dhe zbatimit të kualifikimeve me cilësi të lartë bazuar në kriteret e Kornizës Kombëtare të Kualifikimeve (KKK).
Me mbi njëzet vite përvojë, Agoni është pjesë aktive e ciklit që fillon që nga identifikimi i profesioneve ekzistuese në vend, përzgjedhja e atyre me potencial pozitiv, ndjekur nga zhvillimi i standardeve profesionale, kurrikulat, akreditimi i ofruesve të trajnimit, sigurimit të cilësisë e deri te certifikimi.

Agoni mban titullin e Master-it në Politikat Publike dhe Menaxhim me fokus ne Arsimin Dual ne AAP.  Ekspertiza dhe angazhimi i tij e kanë bërë pjesëmarrës të pandashëm në forume të shumta kombëtare dhe rajonale, ku ka kontribuar në hartimin e dokumenteve strategjike për Arsimin dhe Aftësimit Profesional. Agoni mbetet i përkushtuar në përcjelljen e avancimeve pozitive në zhvillimin e fuqisë punëtore në Kosovë.

Arsim Maloku filloi punën ne projektin ALLED2 në vitin 2023, duke marrë rolin e Zyrtarit të Financave dhe Administratës. Në këtë cilësi, ai mbikëqyr monitorimin dhe shpenzimet e buxhetit dhe kontribuon si në planifikimin fillestar të buxhetit ashtu edhe në rishikimet e mëvonshme. Arsimi ka akumuluar përvojë të gjerë në zbatimin e projekteve përmes bashkëpunimeve me organizata të ndryshme ndërkombëtare në nivel lokal dhe rajonal. Rolet e tij kanë përfshirë të gjitha aspektet e menaxhimit të ciklit të projektit, monitorimit dhe vlerësimit, menaxhimit të prokurimit dhe kontratave, mbikëqyrjes financiare dhe menaxhimit të granteve.
Arsimi ka diplomuar në Gjuhë dhe Letërsi Angleze nga Universiteti i Prishtinës. Para rolit të tij aktual, ai ka përvojë të konsiderueshme në sektorin e arsimit, duke përfshirë pozicione në shkolla të mesme dhe kolegj universitar privat. Përfshirja e tij si trajner në projekte arsimore është fokusuar në Qendrat e Arsimit dhe Aftësimit Profesional (QAAP) dhe zhvillimin profesional të mësuesve në shkollat e AAP-së.

Dardana Rexhepi së fundmi iu bashkua ekipit të ALLED2 si Administratore dhe Zyrtare e Komunikimit. Roli i saj përfshin zhvillimin dhe zbatimin e strategjive të komunikimit, duke vepruar si ndërlidhësi kryesor midis medias dhe projektit ALLED2. Ajo është përgjegjëse për prodhimin e përmbajtjes për mediat sociale, organizimin dhe menaxhimin e ngjarjeve, krijimin dhe mbajtjen e marrëdhënieve me mediat për të rritur dukshmërinë e projektit, monitorimin e trendeve të medias dhe krijimin e përgjigjeve të përshtatshme. Përveç detyrave të komunikimit, ajo është përgjegjëse edhe për çështjet tjera administrative të zyrës në kuader të projektit.
Dardana është e diplomuar në Gjuhë dhe Letërsi Angleze në nivelin bachelor dhe ka përvojë të gjerë në mësimdhënie të gjuhës angleze. Ajo gjithashtu ka punuar për më se 16 vjet në administratë në Ambasadën Sllovene, me çrast ka fituar përvojë të vlefshme diplomatike.

Burim Pllana së fundmi iu bashkua ekipit të ALLED2 si Zyrtar i Logjistikës dhe ne përgjithësi eshte përgjegjës për ofrimin e nevojave/kërkesave per furnizimin e projektit, duke përfshirë prokurimin dhe të gjitha furnizimet dhe shërbimet tjera të programit.
Burimi sjell një përvojë të pasur ne fushen e logjistikes nga organizatat ndërkombëtare dhe sektorit privat vendas.
Burimi mban një diplomë bachelor në Menaxhim Biznesi dhe aktualisht është në proces të përfundimit të temes se diplomes Master, në të njëjtën fushë studimi.